قصيده بعنوان نقطة رجوع بقلم المبدع الشاعر أحمد هلال

 

 

نقطة رجوع
بقلم احمد هلال
ــــــــــــ
ولقيتها واقفه ع الطريق
نفس المكان
اللي كنا فيه زمان
نمسك أدينا ونبتسم
وتشعلل الأشواق حريق
واقفه تبص وتلتفت
وأنا من بعيد
شايف أديها بترتجف
نفس المكان بس فات
م العمريجي كام سنه
وصعب يرجع عمرنا
هى وأنا
قصه كبيره ما تتوصف
لو فات عليها كام سنه
كنا ننام نحلم ببعض
وأتمنى ليلي يفوت قوام
علشان ثواني تضمنا
مهو أصل أحلامنا كتير
بنكون سوا
ولقيتني ماشي لحدها
قربت أكتر منها
لقيتها بتنادي باسمي
وجري عليها ابنها
وقفت نعم فوق اللسان
مهو أصل متعود أنا
ردي بحنان
ورجعت تاني والعيون
أهي لسه جواها الدموع
ماهى كات ساكنه عيوني
من زمان
هي الدموع وبلاش تبان
خبيت أنا نفسي كمان
ورجعت تاني م الطريق
وأنا وحدى فى نقطه رجوع