( نزيف المشاعر ) بقلمي الشاعره لبنى محمد
فيه حاجات كتير أتغيرت فيك
شكلك ملامحك
كل ما فيك
حتى صورتى فى عنيك
أتبدلت فيك الملامح
وأتغيرت فيك حاجات
شوفت فى عنيك حب وحنين
متجمدين
ونظره شوق وحزن
متجمعين فوق الجبين
ياترى شايفنى أنا مين ؟
ولا كل شىء أتغير مع السنين
أنا الحرف والكلمه
أنا النصيب والقسمه
وعلى الشفايف أنا البسمه
لسه ناسى مش فاكرنى ؟
لسه الحب فيك هاجرنى ؟
أتبدلت فيك الملامح
وأتغيرت فيك حاجات
بس قلبى لسه فاكر
وبيشتاق لك ساعات
أنا جايه أصحى الذكريات
وأفكرك بحب قلب مات
لكن قلبى بيشتاق لملامحك ساعات
ليست هناك تعليقات:
إرسال تعليق