قصيدة المبتلى بقلم الشاعر ( السيد ابوطاحون )

المبتلى
*************
( إهداء ....
إلى بنت اخي شيماء
اللى قلعت رأسها
ودعت على العشاق )
************
اللي ابتلى بالعشق
لازم ترحموه
مش ترجموه
تدعو له
مش تدعو عليه
و تلعنوه
************
حاء
باء
حرفين في حالة غرام
روحين في حالة هيام
قلبين ك جوز الحمام
ف البوح بينسو الطعام
حاء باء
دواء لكل الجروح
تعظيم سلام للحب
لما يكون عفيف
ساكن
في قلب القلب
و مش جاى ضيف
************
بدعي عليكي
تدوقي نفس العشق
ينزل ف قلبك رشق
زي المطر على صحرا
مرمرها العطش
وما تشوفيش الشمس
طول العام
بردانه
عريانه
وجوعانه
والدم بيحل محل الدموع
و تفهمي الموضوع
العشق في المشروع
و في الممنوع
وتحاوطك الأمواج
و الموت بالغرق

*************
يا روح ما بعدك روح
ياريت سفينة نوح
وسؤال وكان مشروح
في العشق ايه مسموح ؟!
والموج في ايد الريح
وف عز عز النوح
يداري ف جروحه
و يمد لك روحه
وتعرفيه من..
صورته او بوحه
راكب جبال الموج
وتهتفي
يا حبيبي
يا حلاج ..!
************** #المبتلى #الاخنوم #السيدابوطاحون