قلبى دق بابك ....... شعر / م . محمد الجوجرى
قبل ما عينى تشوفك
قلبى حس بيك وشافك
وإتحركت جوايا المشاعر
ونبض قلبى دق بابك
وسمعته بيقول بحبك
ساب الدنيا وجالك
يارب تكون سمعته
هو مستنى جوابك
صابر ومتشوق لردك
نفسه يحضن فؤادك
نفسه يديك حنانه
وأمله تديله حنانك
شوقه ملهوف وخايف
غرامه مايبقاش غرامك
نفسه يسكن جوه عشك
بس عقده يكون كتابك
نفسه حرفه يكون بقلمك
نفسه تعبيره يكون لسانك
أنت نبته جوه منه
نفسه يروي عيدانك
أوعى تخيب ظنونه
خلى حلمه بين رحابك
اللى جوايه حكايه
لسه النهارده بتبتدى
بس هاتبقى روايه
بكره تنقال وتتحكى
كان امبارح بدايه
نفسى تكمل قصتى
كل حرف بيقول بحبك
كل كلمه بتقول عشقتك
ياريتنى ما شوفتك
شعللت جوايا المشاعر
قلبى خلاص معدش قادر
نبضه ملهوف وزايد
مستنى على نار وصابر
منور بيك وقايد
قلبى كان ساكن وساكت
ولما شاف طيفك فايت
اندهش ودقاته تاهت
ياريت ما كانش شافك
ولا كان نبضه ندالك
مش قادر أقوله حاجه
أصل هو خد قراره
حاسس إن قلبك هو داره
سهمك نفد من جداره
وبقيت قبلته ومداره
خليك ليله ونهاره
ولعشقه خليك أماره
قلبى حبك
روحى عندك
ليست هناك تعليقات:
إرسال تعليق