قصيدة راحت عليا بقلم الشاعر طارق عطية

راحت عليا

شوف الصدف لما بتجمع الأحباب
الاقي قلبي ودنيته فتحت له باب

شوف المفاجأة
بتيجي... فجأة
ألقي الغرام رد لهم الحيرة بجواب
أنا قلبي. دايب
ملهوش حبايب
كان فين وغايب
كان ليه. العذاب.
سبت الزمن لما الزمن........ والبخت مال
شلت الهموم وماحد غير قلبى اللي شال.
شمتان ليه فيا
مش... انسانية
حتي العتاب في الحب مبقلهوش مجال.
ظلمت... قلبي
مقدرش اخبي
الذنب..... ذنبي
وياريت ما قال.
راحت خلاص الدنيا.. علي نفسي وعليا
مفضلش غير حزن القلوب ودموع عينيا.
ده اللي فاضللي
أنا إيه حصل لى
حتي الهموم مش راضية بالأحزان وبيا
قلبي ....وعذابه
أهو ضاع شبابه
كان ايه اللي نابو
غير......... الاسية.
بقلمي....طارق عطية
شعر ....غنائي شعبي