بحبك يا بلدي
تعالوا نزرع صبرها فى أرض الصحاري
يطرح تلال القمح يطعم ولادي
يزهر جناين ورد لكل الحبايب
نكتبها غنوة شوق تحييها الليالي
تعالوا نبني صرحها فوق السحاب
ويشق صليبها وهلالها جوف الضباب
ويشوفهم العالم كله أهل وأحباب
يجمعنا مسجد و كنيسه من غير ألقاب
تعالوا نحمي عرضها من كل الذئاب
ونصون ترابها وأرضها من الإغتصاب
دا كل شبر في أرضها مليون فدان
غاليه وفداها دمنا لجل ما تتهان
تعالوا نقول للعالم كله مين أدها
مصر الأبية مهد الأصاله ومجدها
بلدي اللي ضحت أم الشهيد بإبنها
عريس وهاجر ليلة زفافه لحضنها
تعالوا نسافر في ضلها من وهج الشمس
الله عليها في سحرها وجمال الرمش
لما بتحضنا ف صدرها بيزول الهم
وتلاقي الدنيا بقت حلوه ويلين الصعب
تعالوا نكتب علي جبينا قصة علم
قادر يجمع شملنا بين كل الأمم
مهما الذئاب تعوي عليه مهما اتظلم
فارد قلوعه مادد جناحه يقوي الهمم
تعالوا نحكي صبرها لولادنا الصغار
وازاي رفضت بعزمها كل اللي غار
كل اللي فكر يهدها ويحيي الدمار
كتبت فناؤهم بإيدين ولادها باقتدار
تعالوا نرسم حسنها على كل باب
مصر الصبيه تفضل بهيه فى عين الشباب
وتجود بخيرها لأهلها وكل الأحباب
وتبقي أميره في قصرها تؤمر تجاب
شعبان أحمد .........مصر
ليست هناك تعليقات:
إرسال تعليق