قصيدة يا دماغي بقلم الشاعر المتألق محمد العربي

يا دماغى
يا دماغى يا بتنجان
و اللحمه وحشانى
جايلك فراخ تايوان
والآصل برَانى
م الفكر صابنى جنان
و بقيت واحد تانى
دا القلب عنده صداع
بيدق فى سنانى
و اديَا لاتنين شمال
بتشد فى ودانى
و عنيَه صابها الحول
ورموشى ضلَيله
بقرا الكلام ع الورق
واضحك يادى النيله
هوَوا الكلام زغزغه
وللا الهوس فى الراس
يا ما لسه هنشوف عجب
دا الرك ع الاحساس
الصبح زى العشا
و الخلق ترحيله
و القط ويَا الفار
بيرص تعميره
و القعده طالبه هزار
لجل المزاج عالى
و لسانى تحت الغطا
لا حس ولا سيره
بقلمى \ محمد العربى